Lëkundet Mourinho, shkarkimi nuk është aq i shtrenjtë

Sezoni i Tottenham është në fije të perit teksa pozitat e Jose Mourinhos janë lëkundur së tepërmi pas barazimit 2-2 me Newcastle. Në Angli po bëjnë llogaritë me shkarkimin e trajnerit portugez i cili mund të përfitojë deri në 40 mln euro me kontratën aktuale por një klauzolë brenda saj ja lehtëson shumë punën presidentit Levy.

Në fakt nëse ekipi i drejtuar nga “Special One”, nuk kualifikohet në Champions apo në Europa League klubi nuk do t’i detyrohet trajnerit të tij një shumë aq të madhe sa 40 mln euro por shumë pak diku te 12 mln euro dhe kjo vetëm nga klauzola e firmosur.

Drejtuesit kanë parashikuar çdo gjë në kontratë, edhe një sezon tmerrësisht të keq ndaj dhe kanë ulur përfitimin në rast ndarjeje të parakohshme me Mourinhon i cili ka mbi supe edhe eliminimin fatal në Europa League me Dinamon e Zagrebit.

Matematikisht, Spursat kanë akoma shanse për një vend në Champions pasi Chelsea është 2 pikë larg dhe një dështim nga Mourinho do ta shikonte atë të shkarkuar me patjetër nga klubi.