Lewandowski drejt largimit, e konfirmon dhe gruaja e tij: Kam filluar të mësoj spanjisht!

E ardhmja e Robert Lewandowskit është kthyer në një nga çështjet më të diskutuara të momentit, me Barcelonën që është përfshirë seriozisht në garë për kartonin e 33-vjeçarit.

Bayern Munich nuk dëshiron që sulmuesi të largohet, por nga ana tjetër nuk ka pranuar ende plotësimin e kërkesave të polakut.

Gruaja e Lewandowskit, Anna së fundmi i ka shtuar edhe më shumë thashethemet. Ajo ka publikuar një video në rrjetet sociale ku thotë se ka filluar të mësojë spanjisht dhe pyet për këshilla, duke nënkuptuar në njëfarë mënyre se transferimi i sulmuesit në Spanjë është shumë i afërt.