Lewandowski: Tani nuk e dua më “Topin e Artë”

Një javë pasi Leo Messi fitoi Topin e Artë, Robert Lewandowski ka reaguar për herë të parë për fituesin e “Topit të Artë”. Në një intervistë për polaken “Kanale Sportowym”, sulmuesi shpjegoi se çfarë ndjeu kur doli në vend të dytë në votime.

“Nuk e mohoj, u trishtova. U ndjeva i pafuqishëm. Isha shumë pranë fitores. Sigurisht që e respektoj Messin dhe atë që ka arritur ai në karrierë. Vetëm fakti që isha në garë me të tregon nivelin që kam arritur unë. Por, u trishtova shumë. Fatmirësisht, nuk kishim ndeshje në mesjavë pas ceremonisë”.

Leo Messi i kërkoi revistës “France Football” që Topin e Artë të vitit 2020, që nuk u dha për shkak të pandemisë, t’ia jepte polakut. Por, Lewandowski tha se tani nuk e do më atë vlerësim.

“Do më pëlqente shumë nëse fjalët që tha Messi do të ishin të sinqerta. Por, tani nuk më intereson më Topi i Artë”, tha Lewandowski.