Lila merr ofertën nga ish skuadra e tij: Nuk e mendoj, kam një mision më të rëndësishëm me sindikatën

Ish-futbollisti Andi Lila së fundmi ka marrë një ofertë nga ish skuadra e tij Pas Janina për të zënë vendin e drejtorit sportiv.

I ftuar në Ora Sport me moderatore Albana Bejko, ai thotë se nuk është prioriteti i tij tashmë, duke qenë se ai është i angazhuar me sindikatën e futbollistëve që ka themeluar në Shqipëri.

Andi Lila: Në Janinë kam kaluar vitet e mia më të mira. Është një projekt që ata e kanë në letër. Do të ulemi dhe do të bisedojmë. Tani nuk e mendoj shumë pasi sapo kemi krijuar sindikatën këtu në Shqipëri. Edhe pjesëtarët e tjerë të sindikatës ishin në ankth për këtë zhvillim por besoj se nuk do të shkoj. Kam një mision më të rëndësishëm tanimë.