Liverpooli nënshkruan akordin e ri me Nike për një shifër rekord

Liverpooli pas suksesit të jashtëzakonshëm në sezonin e fundit ku fitoi Championsin, tashmë është pranë një marrëveshje prej 80 milionë paundësh në sezon me firmën e njohur Nike.

Partneriteti i tyre me markën amerikane të sportit dhe këpucëve do të fillojë në 1 qershor 2020. Nike do të furnizojë me uniforma ekipin e parë, atë të femrave, skuadrat e akademisë, stafin e stërvitjes dhe Liverpool FC Foundation.

Marrëveshja e Liverpoolit me Nike i jep mundësi The Reds të thyejnë rekordin e klubeve të Premier League-s që mbahej nga Manchester United nga marrëveshja me Adidas (75 milionë paundë në vit).

Real Madridi (98 milionë paundë) dhe Barcelona (100 milionë paundë) janë skuadrat e vetme të futbollit europian që do të fitojnë më shumë se Liverpooli përmes sponsorizimit të uniformave.