Locatelli shërohet nga koronavirusi, gati për “finalen” nëse Italia kualifikohet

Roberto Mancini merr një lajm të mirë përpara sfidave vendimtare ndaj Maqedonisë së Veriut dhe fituesit të çiftit Portugali-Turqi, të vlefshme për një vend të Botërorin e Katarit.

Mesfushori i Juventusit, Manuel Locatelli ka lënë pas krahëve koronavirusin. 24-vjeçari rezultoi pozitiv me Covid-19 një javë më parë, por tamponi i kryer ditën e sotme ka rezultuar negativ.

“Locatelli është rikuperuar dhe në mbrëmje do t’i bashkohet ekipit kombëtar në Koverciano”, lexohet në komunikatën zyrtare të Juventusit.

Locatelli do të bashkohet me kampionët e Europës pas përfundimit të sfidës ndaj Maqedonisë dhe do të jetë në dispozicion të Mancinit nëse do të kualifikohen pë në “finalen” e 29 marsit.