Lojtarët në La Liga mund të stërviten 48 orë pasi të testohen për Covid-19

Klubet e La Liga-s mund të rinisin stërvitjen 48 orë pasi futbollistët e tyre do t’i nënshtrohet testit të koronavirusit. Lojtarët do të testohen për COVID-19 nga data 5 deri më 7 maj, por më parë duhet marr drita jeshile nga qeveria spanjolle.

Këshilli Kombëtar i Sportit i Qeverisë (CSD) beson se rinisja e sezonit në La Liga është i mundur, duke ndjekur udhëzimet e Ministrisë së Shëndetësisë. Nëse CSD jep leje për testet që do të kryen te futbollistët, atëherë ato mund të nisin nga dita e enjte.

Megjithë vendimet e marra për të anuluar sezonin në Francë dhe Holandë, UEFA kërkon që të mbyllen kampionatet në vende të tjera.

“Të gjitha organizatat që janë duke menduar për rinisjen e sezoneve të tyre do të duhet të respektojnë një protokoll të plotë që detajon kushtet shëndetësore dhe operative për të siguruar që shëndeti i atyre që janë të përfshirë është i mbrojtur,” tha Tin Meyer, presidenti i komitetit mjekësor të UEFA-s. /R.Lika-Koha Jone/