Lojtari i Kombëtares së Nigerisë firmos për Laçin

Sporti E Martë, 5 Korrik 2022 15:29

Michael Babatunde është lojtari më i ri i Laçit. Lajmin e ka bërë të ditur vetë klubi kurbinas me anë të një postimi në rrjetet sociale.

Lojtari ka firmosur kontratën me Laçin dhe do të jetë pjesë e skuadrës në vazhdim. Babatunde më parë ka qenë edhe pjesë e kombëtares së Nigerisë.

“Micheal Babatunde është zyrtarisht lojtar i skuadrës tonë, pas hedhjes së firmës mbi kontratë. Mesfushori me tipare sulmuese ka qenë edhe pjesë e kombëtares së Nigerisë në të shkuarën. Ai ka pozuar sot me uniformën e re, të sezonit 2022-23”, shkruhet në njoftimin e klubit kurbinas.