Luftëtari, skuadra e Superiores që bën tamponet për koronavirus

Stërvitjet kolektive kanë filluar që nga dita e hënë, pas dy muajsh bllokimi nga pandemia. Testimet dhe tamponet janë pjesa më e rëndësishme e fazës 2, por që duket se seriozisht e kanë marrë vetëm në Gjirokastër. Tampone e teste mjekësore për të gjithë futbollistët përpara rinisjes së stërvitjes kolektive.

Kështu ka rinisur Luftëtari përgatitjet për pjesën e mbetur të sezonit. Bluezinjtë nën drejtimin e teknikut Neritan Novi kërkojnë të respektojnë protokollin, për të mos patur komplikacione të mëtejshme me lojtarë të karantinuar.

Ajo që i shqetëson të gjithë, e natyrisht edhe gjirokastritët, është rreziku i dëmtimeve, me lojtarët që vijnë nga një periudhë e gjatë inaktiviteti dhe duhet të bëjnë llogaritë me një kalendar intesiv. Pikërisht për këtë, të gjithë kërkojnë ti japin ngarkesën e duhur bluzinjve, me dy javë me dy seanca stërvitje ditore.

I vetmi klub që ka nisur stërvitjen pa trajner është Flamurtari, teksa kuqezinjtë kanë nisur stërvitjen kolektive në fushën e “Pyllit të Sodës” , por pa Marcelo Troisi. Trajneri ka mbetur peng i mbylljes së kufijve dhe pritet të mbërrijë brenda dy ditëve nga Greqia, por që më pas duhet të qëndrojë 14 ditë në karantinë.