Luis Diaz i thotë “po” Bayernit, Liverpooli arkëton 75 milionë euro

E ardhmja e Luis Diaz te Liverpooli duket se po shkon drejt një ndryshimi të madh. Mesfushori ofensiv kolumbian nuk bën më pjesë në planet e trajnerit Arne Slot, sidomos pas një merkatoje shumë aktive të “The Reds”, që kanë afruar emra si Jeremie Frimpong, Florian Wirtz dhe Hugo Ekitike.

Në këtë kontekst, largimi i Diaz është bërë gjithnjë e më i mundshëm dhe nuk ka vonuar interesi i madh nga një prej klubeve më të fuqishme të Evropës: Bayern Munich.

Sipas raportimeve të fundit nga mediat britanike dhe gjermane, kampionët e shumëfishtë të Bundesligës janë të gatshëm të paguajnë 75 milionë euro për kartonin e Luis Diaz, duke e bërë atë një nga operacionet më të mëdha të kësaj vere.

Bayerni e sheh 27-vjeçarin kolumbian si përforcimin ideal për krahët ofensivë, veçanërisht pas disa ndryshimeve në repartin e avancuar dhe në kërkim të një lojtari të eksploziv me driblim dhe intensitet loje, cilësi që Diaz i ka demonstruar në Premier League dhe në kompeticionet evropiane.

Nga ana e tij, lojtari nuk është kundër një transferimi në Gjermani, sidomos në një klub me ambicie të qarta europiane si Bayern.