Luis Enrique “kërcënon” dhëndrin: Nëse feston me shenjën e biberonit do ta dërgoj në tribunë

Pasi u zbulua se futbollisti i kombëtares spanjolle, Ferran Torres është fejuar me Sira Martinez, vajzën e teknikut të Spanjës, Luis Enrique, nuk kanë munguar dhe ngacmimet për strategun.

I pyetur gjatë një transmetimi live, në llogarinë e tij në “Twitch” se si do të reagonte nëse Ferran do të bënte shenjën e biberonit në rast shënimi të një goli, Luis Enrique deklaroi se lojtari do ta “pësonte keq”.

“Nëse e bën, do ta zëvendësoj menjëherë dhe do ta dërgoj gjithmonë në tribunë pa e lënë kurrë të shkelë përsëri në një fushë futbolli, nuk po bëjmë shaka është përgjigjur Luis Enrique. Strategu nuk dëshiron të bëhet gjysh kaq shpejt.