Lyon humbet autorin e golit për ndeshjen e kthimit me Juventusin

Lajme të mira për Juventusin, në prag të ndeshjes së kthimit të fazës së 1/8-ve në Champions League kundër Lyon, e parashikuar për në muajin gusht. Lucas Tousart shënoi golin e fitores në sfidën mes Lyonit dhe Juventusit më 26 shkurt, të vlefshme për fazën e 1/8-ave të Ligës së kampionëve, por mesfushori nuk do të jetë në dispozicion të trajnerit Garcia për sfidën e kthimit në gusht.

Futbollisti u ble nga gjermanët e Hertha Berlin që në janar dhe u la në huazim deri në fund të sezonit te klubi francez, por më 30 qershor do të duhet të transferohet në kryeqytetin e Gjermanisë, sipas detyrimit kontraktual.

Klubi francez bëri të gjitha përpjekjet për të mbajtur deri në fund të gushtit Lucas Tousart, por Hertha nuk pranoi, duke qenë se dëshiron ta ketë në dispozicion të skuadrës për përgatitjet verore.