Mala i jep fitoren Partizanit në derbi dhe zhyt në krizë Dinamon (VIDEO)

Partizani ka arritur një fitore minimale në derbin ndaj Dinamos dhe ngjitet në vendin e pestë në renditjen e përgjithshme. Goli i Esat Malës në minutën e 72-të zhyt në krizë skuadrën e Shkëmbit që pëson humbjen e tretë radhazi në Abissnet Superiore.

Partizani gjatë ndeshjes kishte një mundësi shumë të mirë me Tedi Carën, ndërkohë që në krahun tjetër për tu evidentuar është një rast i Agim Ibraimit, që u ndal mbi vijën fatale nga Belica. Partizani ngjitet në vendin e pestë me 18 pikë, po aq sa Laçi dhe Teuta.