Manaj mbetet objektiv i Besiktasit, mund të bashkohet me Muçin

Rey Manaj mund të bëhet shok skuadre me Ernest Muçin dhe Milot Rashicës. Sipas medieve turke sulmuesi i Sivasspor shikohet nga Besiktasi si profili i duhur për të përforcuar repartin e sulmit.

Shtypi turk shkruan se kartoni i Manaj, i cili vlen rreth 4 milionë euro, është i përballueshëm për Beshiktashin. Klubi në fjalë madje ka nisur tratativat me Sivasspor pasi ka marrë miratimin e shqiptarit.

Në këtë histori fjala e sulmuesit ka shumë rëndësi pasi javën e kaluar ai zgjati kontratën për 1.5 vite me Sivasspor duke evituar që të largohej me parametra zero qershorin e këtij viti.