Manchester United befason Juven dhe Interin, arrin akordin me talentin italian

Federico Chiesa mund të mos e shohim as te Juventusi dhe as tek Interi në sezonin e ardhshëm. Mediat angleze në orët e fundit raportonjnë se Manchester United ka arritur akordin me Fiorentinën për të blerë kartonin e talentit italian i cili do të transferohet në Premier League për 53 milionë euro.

22-vjeçari është pjesë e Fiorentinës që nga viti 2016-të kur nga akamedia e skuadrës vjollcë ju bashkua ekipit të parë. Në total në Serie A me Fiorentinën Chiesa është aktivizuar në 127 takime duke realizuar dhe 21 gola.

Djali i legjendës Enrico Chiesa, konsiderohet si një talent me potencial të madh që mund ta ndihmojë shumë skuadrën e Ole Gunnar Solskjaer në të ardhmen. Pamundësia për të firmosur me yllin anglez të Dortmundit, Jadon Sancho ka bërë që United ta hedhë vështrimin nga Chiesa, i cili kushton më pak dhe ka një rrogë më të ulët.