Mancini: Zhgënjimi më i madh profesional, nuk është faji i lojtarëve

Roberto Mancini është shfaqur shumë i mërzitur pas humbjes së rëndë ndaj Maqedonisë së Veriut që solli dhe humbjen e shansit të fundit për të shkuar në Kupën e Botës. Strategu italian mori përgegjësit për këtë disfatë, ndërkohë që la të hapur mundësinë e një largimi të mundshëm.

“Nëse Kampionati Europian ishte kënaqësia ime më e madhe, ky ishte zhgënjimi im më i madh në nivel profesional. Gjëra të pabesueshme ndodhin në futboll. Disa ndeshje janë të tilla, është e vështirë të flasësh për lojën. Fitorja e Europianit ishte e merituar, por fati që kishim në Europian është kthyer në fat të keq.

Në dominuam grupin, por ndodhën dy situata, që zakonisht nuk ndodhin. Është e vështirë të thuash pse dhe si, më vjen shumë keq për lojtarët. Është një zhgënjim shumë i madh për të gjithë për të folur për të ardhmen.

Në nivel njerëzor, unë i dua djemtë më shumë sesa në korrik. Kemi lojtarë të mirë që mund të kenë një të ardhme të shkëlqyer. Nuk është faji i presidentit dhe nuk është faji i lojtarëve. Unë jam trajneri, përgjegjësi i parë kur gjërat nuk shkojnë mirë në futboll. Po e vuaj shumë këtë gjë. Nuk e di pse ndodhemi këtu, kundër Zvicrës kemi bërë dy ndeshje të cilat duhet t’i fitonim. Me sa duket duhet të shkonte kështu”, tha Mancini.