Mane apo Salah? Ja kush e fitoi “Topin e Artë” në Afrikë

Sadio Mane është fituesi i Topit të Artë afrikan për vitin 2019. Sulmuesi senegalez i Liverpool u vlerësua me çmimin e futbollistit më të mirë të kontinentit të tij duke mposhtur konkurrencën e shokut të skuadrës, Mohamed Salah dhe sulmuesit të Manchester City, Riyad Mahrez.

Mane zhvilloi një sezon fantastik në Champions League, fitoi Superkupën e Europës dhe Botërorin e Klubeve me Liverpoolin.

Salah mbetet në kuotën e tre “Topave të Artë” afrikanë, duke mos arritur të barazojë dy futbollistët Samuel Eto’o dhe Yaya Toure që mbajnë rekordin në Afrikë, me nga katër të tillë.