Mario Balotelli drejt rikthimit në Seria A, do të transferohet te …

Torino ka marrë lajmin e keq se sulmuesi kolumbian Duvan Zapata ka dëmtuar meniskun dhe do të qëndrojë për një periudhë shumë të gjatë jashtë fushave. Madje përflitet se sezoni është i përfunduar që tani për 33-vjeçarin.

Ky dëmtim ka detyruar skuadrën e Torinos të hidhet në merkato, për të sjellë që tani një përforcim. Dhe një nga emrat në listë është ai i sulmuesit italian Mario Balotelli. 34-vjeçari është aktualisht pa skuadër dhe mund të federohet në çdo moment.

Sipas të përditshmes “La Stampa”, menaxherët e Balotelli kanë nisur nga puna dhe po kontaktojnë me drejtuesit e ekipit të njohur Italian. aIka pohuar së fundi se ka refuzuar disa oferta të mira nga jashtë Italisë, madje edhe nga Amerika Latine, për të luajtur sërish në Serie A.