Mario Mitaj rikthehet në maj, do të jetë gati për sfidën me Serbinë

Mario Mitaj mungoi në sfidat e muajit mars për kombëtaren tonë për shkak të një dëmtimi. Në Arabinë Saudite bëjnë me dije se lojtari i Al Ittihad do të jetë gati në muajin maj, për t’i dhënë një dorë skuadrës, në ndeshjet e fundit të kampionatit.

Në këto kushte, Mitaj pritet të jetë në dispozicion të Sylvinhos, për sfidat e qershorit me Serbinë në shtëpi dhe Letoninë në transfertë,  të vlefshme për kualifikueset e Botërorit.

21-vjeçari është pjesë e rëndësishme e skemave të Sylvinhos, me futbollistin që ka dhënë një kontribut të rëndësishëm për përfaqësuesen  deri tani.