Martini: I kënaqur nga fitorja, Shkëmbi më ka lënë një ekip mjaft të mirë

Edi Martini arriti që të debutonte me fitore në krye të Teutës. Strategu shkodran u shpreh i kënaqur nga rezultati, ndërkohë që kritikoi edhe vendimet e arbitrave, të cilët sipas tij i kanë penalizuar durrsakët.

“Ishte një fitore e rëndësishme, kënaqësi më e madhe, se vjen pas disa vuajtjeve, ndaj ekipit kampion, ndaj jam i lumtur, Edhe para një jave, Teuta u dënua me penallti, kartonë të kuq, nuk dua të flas për arbitrat, por është shumë e vështirë që të mos flasësh. Kur nuk ka rezultat ka pakënaqësi, mendoj se ishte një ndeshje e luftuar.

Pavarësisht të kuqve që mori ekipi, dha zemrën në fushë, kjo më bën të besoj se ky ekip ka zemër, karakter e shpirt. Dua të falënderoj Bledin për punën që ka bërë, më ka lënë një ekip mjaft të mirë. Puna jonë përveç anës emocionale e psikologjike me ekipin, kemi punuar shumë pak. Shpresoj që të realizojmë planet që kemi për të ardhmen.

Planet e të ardhmes është të marrim pikët me Flamurtarin se si Flamurtari, si Partizani janë 3 pikë. Beqja bëri gabim e na la në një moment kur duhej i Partizanit me të kuq. Por ata që kanë qenë futbollistë e kuptojnë se situata të tilla ndodhin, por të shohim në të ardhmen që të mos kemi më situata të tilla”, deklaroi Martini.