Mbappe apo Haaland? Real Madrid në dilemë se kë të zgjedhë në vitin 2021

Real Madrid po përgatitet për një rinovim të skuadrës në vitin 2021, teksa dy emrat më të përfolur janë Kylian Mbappe dhe Erling Haaland. Francezi gjithmonë ka qenë i përfolur për një transferim në Bernabeo, teksa ka pasur edhe një foto me Ronaldon, ku kishte veshur fanellën e madrilenëve. Ai ka një admirim të madh edhe për trajnerin Zidane, ndërkohë që Haaland ka arritur që të rrëmbejë skenën në futbollin evropian në një periudhë të shkurtër, duke treguar instinkte të frikshme në shënimin e golave.

Pas një vere pa asnjë lëvizje të madhe, duket se e ardhmja do të rezervojë disa goditje të mëdha në kryeqytetin spanjoll. Mbappe mbetet dëshira e madhe, ndërkohë që Haaland mbetet pas tij, por jo më pak i preferuar. Së pari është më i lirë. Së dyti, është një 9-të e pastër, një pozicion ku kërkohet një emër që garanton gola.

Mbappe është një futbollist më i kompletuar, më i njohur, por ndoshta nuk gjeneron interesin e tifozëve aq sa Haaland. Miqësia me Martin Odegaard, mund të jetë në favor të tij. Norvegjezi padyshim se nuk ka treguar se mund të dominojë në Europë, por hapat deri më tani janë shumë cilësorë, duke parë moshën e tij shumë të re. Mbappe ka arritur shumë më tepër. Ai është e ardhmja dhe e ardhmja, një kampion bote. Nuk do të jetë aspak e thjeshtë shkëputja nga skuadra e Paris Saint-Germain. /R.Lika-Koha Jone/