Mbappe shokon Realin, bën gati rinovimin me shifra të frikshme te PSG

Kylian Mbappe qëndron në Paris. Sipas “Le Parisien”, ylli francez ka bërë një kthesë 180 gradë dhe ka vendosur të qëndrojë te Paris Saint Germain, teksa mes palëve është arritur akordi për të firmosur një kontratë dy vjeçare, me opsion rinovimi edhe për një vit të tretë.

Po sipas “Le Parisien”, Mbappe do të shpërblehet me një bonus prej 100 milionë eurosh për rinovimin e kontratës dhe në të njëjtën kohë, do të përfitojë edhe 50 milionë euro rrogë në sezon.

Marrëveshja mes palëve duket se është arritur në të gjithë detajet dhe tashmë ka mbetur vetëm zyrtarizimi, që do të “linte me gisht në gojë” Realin e Madridit.