Mbrëmja e “zjarrtë” në Champions/ Sonte përcaktohen ekipet që kalojnë në 1/8-at dhe Play Off

Champions League do të luajë sonte në mbrëmje ndeshjet e fundit të fazës së ligës ku do të mësohen dhe skuadrat që do të shkojnë në çerekfinale si dhe ata që do të luajnë në fazën Play Off. Vetëm Barcelona dhe Liverpooli kanë siguruar zyrtarisht kualifikimin për në 8 më të mirat.

Interi dhe Arsenali kanë nga 16 pikë dhe kanë nevojë të paktën për një pikë për ta arritur këtë objektiv. Atletico Madrid dhe Milan për të qenë të qeta duhet të fitojnë jashtë fushe kundër Salzburgut dhe Dinamos Zagreb.

Atalanta e Berat Gjimshitit është aktualisht mes tetëshen e parë, por për ta mbajtur këtë pozicion duhet të fitojë në Barcelonë. Shumë pak shanse për Juventusin, Realin dhe Bayernin që të kualifikohen direkt, por do të kalojnë në fazën Play Off.

Manchester City nga ana tjetër lufton për mbijetesë pas humbjes ndaj PSG. Një humbje e mundshme ndaj Club Brugge do të sillte eliminimin e tyre. Kujtojmë që të gjitha ndeshjet do të luhen në orën 21:00.