Më në fund arrihet marrëveshja, Thiago Alcantara transferohet te Liverpooli

Thiago Alcantara mund të quhet një futbollist i Liverpoolit, pasi tashmë vetëm zyrtarizimi e ndan nga kampionët e Anglisë. Këta të fundit kanë arritur marrëveshjen me Bayernin e Mynihut për blerjen e mesfushorit spanjoll për shifrën e 30 milionë euro.

Lajmi ne dhanë mediat gjermane mëngjesin e sotëm, ndërsa disa orë më vonë ishte edhe CEO i klubit të Bayernit, Karl-Heinz Rummenigge që konfirmoi arritjen e marrëveshjes me Liverpoolin për transferimin e 29-vjeçarit në “Anfield Road”.

Mesfushori spanjoll pritet të mbërrijë në Liverpool brenda ditës së sotme dhe menjëherë pasi të kalojë testet mjekësore, do të nisë përgatitjet nën urdhrat e trajnerit gjerman Jurgen Klopp, i cili ishte personi që këmbënguli për transferimin e tij.