Mesfushori i Partizanit u shpall numri 1 i vitit 2023, Arinaldo Rrapaj: Konkurrenca e fortë, por vlerësimi i drejtë!

Arinaldo Rrapaj, edhe pse 22 vjeç, është lojtari më i spikatur jo vetëm i Partizanit, por edhe i futbollit në Shqipëri, për vitin që po mbyllet.

Ai u vlerësua si më i miri në 2023 nga Federata Shqiptare e Futbollit. Ky vit ka qenë padyshim i Partizanit, me titull e superkupë, ndonëse në Europë mund të bëhej më shumë.

“Partizani gjithmonë ka synime dhe objektiva të qarta që çdo vit të shpallet kampion. Këtë vit jam shumë i sigurt që kemi kualitetin dhe cilësitë në ekip për ta mbrojtur titullim kampion. Kemi forcën dhe besimin tek njëri-tjetrin për ta mbrojtur titullin kampion”, ka thënë ai.