Messi: Askush nuk më kërkoi që të luaja falas për Barcelonën, një ditë do të rikthehem!

Lionel Messi, në një intervistë dhënë për gazetën katalanase “SPORT” në shtëpinë e tij, tregoi ndjesitë e largimit të tij nga Barça, klubi ku ishte rritur si futbollist. Sulmuesi argjentinas rrëfeu zhgënjimin e tij, ndërkohë që konfirmoi se një ditë do të rikthej sërish për të jetuar në Barcelonë.

“Ishte një ndryshim i madh që, siç thashë në atë kohë, nuk e imagjinoja. Fatmirësisht, tashmë jam akomoduar mirë, fëmijët janë në shkollë, pak a shumë jemi në rutinën e përditshme, jemi të lumtur. Po, deri më sot, kur i shikoj ndeshjet, më vijnë disa gjëra ose më bën të dëshiroj … ose të kujtoj nga ndeshjet në “Camp Nou”, me njerëzit …. Po rijetohet pak nga gjithçka që ishte. Tani, siç e thashë, jam më i qetë dhe, pa dyshim, mendoj për gjithçka kam këtu dhe për atë që vjen në rrafshin sportiv dhe familjar. Ne po e shijojmë edhe këtë qytet, i cili është i mrekullueshëm, pavarësisht motit. Edhe ne ishim me fat që kishim një mot të këndshëm, me reshje të herëpashershme, por jemi shumë të lumtur. Kjo është e vërteta.

Laporta tha se mund të luanit falas? E vërteta është se bëra gjithçka që ishte e mundur për të qëndruar, kurrë në asnjë moment nuk më kërkuan të luaja falas. Më kërkuan që të shkurtoja rrogën me 50% dhe e bëra pa problem. Ne ishim në gjendje ta ndihmonim më shumë klubin. Dëshira dhe dëshira ime dhe e familjes sime ishte të qëndronim në Barcelonë. Askush nuk më kërkoi të luaja falas, por në të njëjtën kohë më duket se fjalët e presidentit nuk janë me vend. Ata më lënduan, sepse mendoj nuk ishte e nevojshme ta thoshte këtë. Kjo i bën njerëzit të mendojnë ose gjeneron një lloj dyshimi që unë mendoj se nuk e meritoj.

Rikthimi i mundshëm te Barcelona? Nuk e di nëse mbaron kontrata ime me PSG. Ajo që është pothuajse e konfirmuar dhe e sigurt është se ne do të jetojmë përsëri në Barcelonë dhe se jeta jonë do të jetë atje. Është ajo që dëshiron bashkëshortja ime dhe ajo që unë dua. Nuk e di kur mbaron kontrata ime me Parisin, por për të jetuar do të kthehemi te Barcelona.

Po, kam thënë gjithmonë se do të doja të isha në gjendje ta ndihmoja klubin. Do të doja të isha sekretar teknik në një moment. Nuk e di nëse do të ndodhë te Barcelona. Nëse do të jepet mundësi, do të doja të kontribuoja përsëri në atë që mundem sepse është klubi që dua. Dua ta shoh të rritet dhe të vazhdojë të jetë një nga më të mirët në botë.

Barcelona aktuale? Skuadra është e shkëlqyer, luan shumë mirë. I shoh sa herë që mundem. Tashmë kanë spikatur djem shumë të mirë, siç është Gavi. Në nivel ekipi, janë mirë. Rikthimi i Kun Agueros dhe Dembélésë do të jetë ndihmë e madhe për ekipin. Barcelona do të jetë gjithmonë aty, sepse është një nga më të mirat në botë. Gjithmonë do të luftojë për kampionatin.