Messi dhe yjet e Barcelonës do të kryejnë kontrolle mjekësore para ndeshjes me Napolin

Pas fitores së thellë në La Liga kundër Eibarit, Barcelona do të luajë në mesjavë në Champions League kundër Napolit. Formacioni i Gattuso-s pret Messin dhe yjet e tjerë në stadiumin San Paolo.

Gjithsesi për shkak të gripit të Coronavirusit, futbollistët e Barcelonës duhet të kryejnë kontrolle mjekësore në aeroport që përfshijnë kontroll të temperaturës së trupit dhe në rast të temperaturës së lartë, testime të mëtejshme në spital.

Këto janë udhëzimet e vendosura nga autoritetet shëndetësore italiane për të luftuar përhapjen e virusit. Coronavirus tashmë ka goditur sportin italian, me pezullimin e ngjarjeve sportive në Lombardi dhe Veneto dhe shtyrjen e katër ndeshjeve në Serisë A (Torino-Parma, Atalanta-Sassuolo, Verona-Cagliari dhe Inter-Sampdoria). /R.Lika-Koha Jone/