Messi: Kurrë nuk e kisha menduar që do të thyeja rekordin e Pele-s!

Leo Messi mbrëmjen e djeshme më në fund arriti që të thyente rekordin e Pele. Me golin e shënuar ndaj Valladolit arriti në kuotën e 644 me Barcelonën, një më shumë të shënuar me të njëjtën fanellë.

“Kur nisa të luaj futboll nuk mendoja se do të thyeja rekorde. Aq më pak që të mendoja se do të thyeja rekordin e një mbreti si Pele. Dua të falënderoj të gjithë që më kanë ndihmuar në këto vite, nga shokët e skuadrës, familja, miqtë dhe të gjithë ata që më kanë qëndruar pranë. Një përqafim”, shkruan argjentinasi në reagimin e tij,.

Pavarësisht se përflitet prej kohësh një largim i mundshëm i 6 herë fituesit të “Topit të Artë”, Messi gjithmonë ka dhënë kontributin e tij për të ndihmuar Barcelonën. Ndaj Valladolit shënoi një gol, dha një asist dhe ishte protagonist edhe në aksionin e golit të dytë. Më shumë nuk mund të bënte në një mbrëmje që me siguri do ta mbajë mend gjatë. /R.Lika-Koha Jone/