Messi lojtari me më shumë trofe në historinë e futbollit, rrëmben një tjetër çmim
Lionel Messi është futbollisti që ka fituar më shumë trofe në historinë e futbollit. Fenomeni argjentinas ka rrëmbyer 102 çmime (56 individuale dhe 46 ekipore) dhe dje mori çmimin MARCA America, një çmim që vlerëson karrierën e tij të jashtëzakonshme.
Çmimi iu dorëzua “pleshtit” nga Juan Ignacio Gallardo – drejtor i MARCA – dhe Jorge Mas, pronar i Inter Miami së bashku me David Beckham.
Rrugëtimi i Messit në futboll filloi me Barcelonën në vitin 2004, vazhdoi te PSG dhe tani tek Inter Miami. Me kombëtaren e Argjentinës ai ka fituar gjashtë trofe të mëdhenj.
Messi ka fituar tetë “Topa të Artë”, gjashtë “Këpuca të Arta” dhe është golashënuesi më i mirë historik i La Ligës dhe kombëtares “Albiceleste”.