Messi më shumë i jep se sa i merr Barcelonës, ja shifrat

Kontrata e fundit që Messi kishte nënshkruar me Barcelonën nuk duhej të zbukurohej kurrë, pasi ishte konfidenciale. Mes shpërblimeve të rinovimit, bonuseve fikse, bonuseve të ndryshueshme apo të besnikërisë “ylli” argjentinas përfiton për 4 vite 555 milionë euro.

Ky ishte pakti që Barcelona nënshkroi për të mbajtur lojtarin më të mirë në botë, që të lumturonte tifozët. Klubi me të ardhurat më të larta në botë mund ta përballonte këtë shpenzim. Të ardhurat që Messi i siguroi nga sponsorët, bluzat, biletat dhe imazhi i klubit u vlerësuan në më shumë se 200 milionë euro.

Në gusht 2017, nga Barça u largua  Neymar. Në nëntor, Leo nënshkroi një kontratë që do të skadojë më 30 qershor 2021. Gjatë tri sezoneve të konsumuara tashmë, Barça ka fituar dy tituj të La Ligas dhe një Kupë të Mbretit. Messi, i vetëm, ka fituar dy Këpuca të Arta dhe Topin e Artë të gjashtë.