Messi rikthehet në stërvitje, 90 minuta më herët se orari i përcaktuar

Lionel Messi rishfaqet në stërvitje me Barcelonën për herë të parë që nga momenti që komunikoi se dëshironte largimin nga Barcelona.

Argjentinasi  ishte futbollisti i parë që mbërriti në qendrën stërvitore të Barçës duke u shfaqur aty madje 90 minuta më herët si për të treguar se është gati për një sezon të ri ku do të kërkojë të lërë sërish shenjë me Barcelonën.

Messi iu nështrua testit për koronavirus të dielën, dhe sot doli në stërvitje. Të shumtë ishin gazetarët që prisnin ardhjen e argjentinasit në stërvitje. Kjo është hera e parë që Messi do stërvitet nën urdhrat e trajnerit të ri të Barcelonës, Ronald Koeman.