Messi s’është më i njëjti, nuk shënon prej 5 muajsh te Barcelona

Lionel Messi nuk e ka nisur aspak mirë sezonin, pasi dëmtimet nuk e kanë lënë që të luajë në vazhdimësi. Futbollisti argjentinas nuk shënon prej 132 ditësh dhe kjo është periudha më e gjatë pa gol që nga viti 2007, kohë kur qëndroi për plotë 146 ditë pa shënuar.

Dëmtimet në këtë fillim sezoni kanë ndikuar jo pak në formën e pesë herë fituesit të “Topit të Artë”, ndërkohë që ndaj Interit ishte ndeshja më e mirë e tij, duke dhënë një asist për Suarez.

Mbetet të shihet paraqitja e tij në duelin ndaj Sevillas, ku pritet që të jetë sërish titullar.