Messi: Të dielën do të luaj ndeshjen e fundit në Kupën e Botës

Lionel Messi arriti të ndihmonte Argjentinën e tij mbrëmjen e djeshme që të shkonte në finalen e madhe të Kupës së Botës. Ky do të jetë shansi i fundit për super yllin e PSG për të fituar këtë trofe madhështor.

Pas sfidës gjysmëfinale me Kroacinë, finalja e së dielës do të jetë ndeshja e fundit për të me fanellën bardhekaltër në Kupën e Botës.

“Jam krenar që do të mund ta përfundoj karrierën time në Kupën e Botës duke luajtur në këtë finale. Ajo që po përjetoj është diçka emocionuese. Me siguri e diela do të jetë ndeshja ime e fundit në një Kupë Bote.

Duhet të kalojnë shumë vite derisa të vijë Botërori i radhës (2026) dhe nuk mendoj se do të jem. Kështu që shpresoj të përfundoj në mënyrën më të mirë”, deklaroi Messi.