Milan i Allegrit fiton përballë Napolit dhe ngjitet në krye të Serie A

Milani i drejtuar nga Massimiliano Allegri ka festuar një fitore të madhe në “San Siro”, duke mposhtur 2-1 Napolin në ndeshjen kryesore të javës së pestë të Serie A. Me këtë sukses, kuqezinjtë kapin në krye të renditjes si Napolin, ashtu edhe Romën.

Takimi u zhbllokua që në minutën e 3-të, kur Saelemaekers u gjend i lirë në shtyllën e dytë dhe përfitoi nga një aksion i shkëlqyer i Pulisic në krahun e majtë. Vetë amerikani dyfishoi rezultatin në minutën e 31-të, pas një kombinimi mes Pavlovic dhe Fofana.

Napoli reagoi në pjesën e dytë: në minutën e 56-të Anguissa detyroi Maignan të bëjë një pritje të jashtëzakonshme, ndërsa pak më vonë Estupiñan rrëzoi Di Lorenzon pranë portës, duke shkaktuar penallti dhe u ndëshkua me karton të kuq.

Nga pika e bardhë, Kevin De Bruyne nuk gaboi, duke e bërë 2-1 dhe duke rikthyer emocionet në ndeshje. Megjithatë, Milani rezistoi deri në fund dhe doli fitues, duke dërguar një mesazh të fortë në garën për titull.