Milani bën gati 30 milionë euro për të blerë përfundimisht Rebic

Sipas “Gazzetta Dello Sport” historia e dashurisë mes Ante Rebic dhe Milanit e ndërprerë në mes nga emergjenca e koronavirusit shumë shpejt mund të kthehet në një martesë.

Sulmuesi kroat do të jetë i Milanit deri në verën e vitit 2021 si i huazuar nga Eintracht Frankfurt por në marrëveshjen mes klubit italian dhe atij gjerman nuk ekziston asnjë opsion për blerjen përfundimtare të Rebic nga ana e kuqezinjëve.

Dëshira e futbollistit për të qëndruar në Milano mund të rezultojë vendimtare në gjetjen e një akordi mes Milanit dhe Frankfurtit. Aktualisht vlera e Rebic në merkato varion nga 25 deri në 30 milionë euro.