Milani gati të shpërblejë Giroud me kontratë të re

Oliver Giroud është shumë pranë nënshkrimit të kontratës së re me Milanin. Ish-sulmuesi i Chelsea dhe Arsenal, do të vendosë të zgjasë bashkëpunimin e tij me kuqezinjtë të paktën deri në vitin 2024.

Siç raporton prestigjiozja “La Gazzetta dello Sport”, Milani dhe Giroud kanë gjetur mirëkuptimin për të finalizuar kontratën e re të sulmuesit. Francezi do të kthehet në Milano nesër për të rifilluar stërvitjen.

Agjenti i këtij të fundit, do të takohet me drejtorët e klubit së shpejti për të konfirmuar detajet e marrëveshjes së re. Giroud u bashkua me Milanin në korrik të 2021 për 2.85 milionë euro, ndërkohë që ka shënuar 23 gola në 57 ndeshje.