Milani më në fund “përqafon” Ibrahimovic, në fushë ndaj Sassuolos

Milani më në fund do të ketë në dispozicion Zlan Ibrahimovic. Sulmuesi suedez pritet të zbresë në fushë në fundjavë në duelin ndaj Sassuolos në Reggio Emilia.

Zlatan e ka lënë pas dëmtimin muskulor dhe gjatë ditëve të fundit është stërvitur rregullisht por stafi mjekësor i Milani nuk ka dashur ta rrezikojë që për sfidën e kësaj mesjave ndaj Genoas, në mënyrë që rikuperimi të jetë i plotë. Ibrahimovic nuk ka qenë pjesë e kuqezinjve që prej sfidës ndaj Napolit, takim në të cilin i dha fitoren Milanit falë dygolëshit të tij.

Duke e përfshirë edhe sfidën e sotme ndaj Genoas shkojnë në 7 ndeshjet të cilat Ibra i ka humbur gjatë këtij një muaji që ka ndryshuar jashtë, 4 prej tyre në kampionat dhe 3 në Europa League.