Milani në Kosovë, mediat italiane zbulojnë shifrën që do të përfitojnë kuqezinjtë

Milani ka zbarkuar sot për herë të parë në Kosovë për miqësoren historike ndaj Ferronikelit. Tifozët i kanë rezervuar një pritje mjaft të ngrohtë kuqezinjve.

Sipas gazetës “La Repubblica”, Milani do të përfitojë 250 mijë euro nga ndeshja e sotme që do të luajë në Kosovë. Vizita e Milanit në Kosovë gjithashtu mund të ketë një peshë të rëndësishme politike dhe të jetë një hap drejt njohjes të shtetit, i cili ende nuk njihet nga 92 anëtarë të OKB.

Një problem i madh për sfidën e sotme kanë qenë çmimet e kripura të biletave që varjojnë nga 35 deri në 115 euro, por pritet që në stadium të jenë të pranishëm 13 mijë tifozë.

Kjo do të jetë miqësorja e parafundit për Marco Giampaolon, që do të nisë sezonin e ri më 25 gusht ndaj Udineses. /Rozalb Lika-Koha Jone/