Milani sfidon Juven në gjysmëfinalen e Kupës, Calhanoglu i shpëton ndaj Torinos (VIDEO)

Milani siguron me shumë vuajtje një vend në gjysmëfinalen e Kupës së Italisë ku do të përballet ndaj Juventusit. Kuqezinjtë fituan 4-2 ndaj Torinos, por vetëm pas kohës shtesë, pasi e rregullta u mbyllë në barazim 2-2.

Ndeshja nisi mjaft mirë për skuadrën e Piolit që zhbllokoi ndeshjen në minutën e 12-të me Bonaventurën që shfrytëzoi më së miri një pasim perfekt nga Rebic.

Kundërpërgjigja e Torinos nuk do të vononte, teksa në minutën e 34-t, Bremen rikuperon një top fantastik në zonën e tij dhe më pas me një kundërsulm të shpejt bën sulmuesin, duke shënuar golin e barazimit.

Braziliani nuk do të ndalej me kaq, teksa në minutën e 71-të shënoi edhe golin e dytë me kokë, duke i dhënë avantazhin ekipit të tij. Milani arriti që të barazonte në minutën e 9-të me Calhanoglu që lëshoi një goditje të fortë nga distanca.

Ndeshja do të shkonte në shtesë, atje ku mesfushori turk do të bëhej sërish protagonist duke shënuar në minutën e 106-të. 3 minuta më pas Ibrahimovic shënoi edhe golin e sigurisë. /R.Lika-Koha Jone/