“Mirëdita” dhe “mirupafshim”, Reja ka filluar që të flasë shqip (VIDEO)

Edoardo Reja ka filluar që të fitojë simpatinë e tifozëve shqiptarë me rezultate, por edhe me sjelljen e tij. Strategu italian është e kundërta e ish-bashkatdhetarit të tij, Christian Panucci.

Ish-trajneri i Napolit ka një sjellje shumë pozitive me gazetarët dhe nuk i kursen edhe batutat në konferencat për shtyp. Krejt ndryshe nga herët e tjera Reja ka folur edhe shqip.

“Mirëdita” ishte fjala e tij e parë përshëndetëse dhe më pas drejtohet me “mirë” si për të thënë se “Si jeni? Gjithçka mirë”. Në fundin e konferencës Reja sërish përdori fjalë shqip: Mirupafshim.

Një sjellje shumë pozitive që tregon edhe njëherë pasionin që ka për punën në krye të kombëtares sonë. /R.Lika-Koha Jone/