Modric: Kemi humbur golat dhe karakterin me largimin e Ronaldos

Luka Modric ka dhënë një intervistë të gjatë për gazetën italiane  “Gazzetta dello Sport”, ku nuk kanë munguar fjalët më të mira për ish-shokun e ekipit, Cristiano Ronaldo.

“Te Real Madridi, që prej ikjes së tij kemi humbur golat dhe karakterin. Cristiano gjithmonë dëshiron të fitojë, ai na motivonte dhe na bënte të reagojmë. Ai ka një zemër të madhe, është gjithmonë i gatshëm t’i ndihmojë ata që kanë nevojë.

Mbappé? Ai ka gjithçka për të dominuar skenën e futbollit botëror, por unë mendoj se për të bërë kapërcimin cilësor duhet të shkojë në një kampionat, ku skuadra e tij nuk fiton aq lehtë. Unë shoh potencial të madh edhe te Vinicius, më pëlqejnë De Bruyne dhe Sterling”, u shpreh Modric.