Mori vesh lajmin e rëndë për ish të dashurën, Boateng lë grumbullimin me Bayernin

Ditën e sotme në Gjermani bëri jehonë lajmi i vdekjes së Kasia Lenhardt, modelja 25-vjeçare, e cila deri në shkurtin e vitit të shkuar ishte e lidhur me yllin e Gjermanisë, Jerome Boateng.

Ajo u gjet e pajetë në shtëpinë e saj në Berlin, teksa këtë lajm Boateng e mori vesh nga Katari, ku ai është me Bayernin për të luajtur në Kupën e Botës për klube. “Bild” së fundmi shkruan se mbrojtësi ka braktisur menjëherë grumbullimin me lejen e klubit, teksa shumë shpejt pritet të udhëtojë për në Gjermani.

Mbrojtësi do marrë pjesë në ceremoninë e varrimit e ish të dashurës së tij, me të cilin kaloi një pjesë të jetës. Lajmin e njoftoi trajneri i Bayern Munchen, Hansi Flick. Bayerni do të sfidojë nesër në mbrëmje në finalen e Botërorit të Klubeve Tigres, por pa Boateng në prapavijë.