Moto GP/ Përfundon gara për Çmimin e Madh të Çekisë, ja kush triumfon

Marc Marquez fiton Çmimin e Madh të Republikës Çeke në Moto GP. Ky ishte suksesi i tretë sezonal për kampionin në fuqi të Botës, i cili u shkëput akoma edhe më shumë nga ndjekësit më të afërt në klasifikimin e përgjithshëm.

Në Brno ishte një dominim i Repsol Hondas, sepse i dyti u pozicionua shoku i skuadrës së Marquez, Daniel Pedrosa, ndërsa podiumi u kompletua nga Maverick Vinales.

Vetëm vendi i 4-t për Valentino Rossin, i cili gjithsesi duhet përgëzuar për përmbysjen e çmendur që realizoi.

Në klasifikimin e përgjithshëm Marquez kryeson me 14 pikë avantazh ndaj Maverick Vinales, 21 ndaj Doviziosos dhe me 22 pikë nga Valentino Rossi.