Mourinho i sfidon të gjithë: Asnjë s’dëshiron të luajë ndaj Tottenhamit

Jose Mourinho këmbëngul se asnjë skuadër nuk dëshiron që të përballet me Tottenham-in në fazën tjetër të Champions League. “Spursat” mund të përballen me një mes PSG, Juventus, Barcelona, Leipzing dhe Valencias, por strategu portugez i ka sfiduar të gjithë.

“Mendoj se asnjë skuadër e para në grupin e saj nuk ka dëshirë të luajë kundër nesh në 1/8. Jemi një nga skuadrat më të forta ndër të dytat. Unë e di që ne jemi një vend që kalon në një periudhë të çmendur, por deri në fund të shkurtit do t’i kuptoj lojtarët e mi më mirë, ata do të më kuptojnë më mirë mua.

Do të kemi edhe dy muaj më shumë së bashku dhe do të jemi më gati. Futbollistët e mi e kishin të qartë që nuk po mendoja për ndeshjen ndaj Bayernit, por për të ardhmen. Ky është fokusi im”, deklaroi portugezi.