Mourinho i trembet Interit: Kanë dy ekipe, të dielën sfidojmë një super skuadër

Roma vazhdon ecurinë pozitive në grupet e Europa League, ku ditën e djeshme fitoi pastër 2-0 ekipin e Sllava Pragës. Gjithsesi Jose Mourinho është jo pak i shqetësuar për duelin e radhës ndaj Interit në  “San Siro”.

“Të dielën luajnë dy skuadra të ndryshme. Inter ka dy ekipe, për më tepër që kanë pasur kohë për të pushuar, e sigurt që ata kanë më shumë benzinë, ndërsa ne më shumë vështirësi.

Doja edhe unë të kisha bërë ndonjë ndryshim, por kisha në dispozicion vetëm lojtarë nga sektori i të rinjve. Lukaku? Ai duhet të pushojë, të dielën duhet të zhvillojë një ndeshje të madhe kundër një super ekipi”, është shprehur Jose Mourinho.