Muller shpëton Bayernin ndaj Leipzig, në spektaklin me 6 gola (VIDEO)

Bayern Munich dhe Leipzig kanë dhuruar spektakël në super duelin e javës së 10-të, por asnjë prej tyre nuk ka mundur të dalë me 3 pikë nga fusha. Në “Allianz Arena” dueli u mbyllë në shifrat 3-3, teksa emocionet ishin të shumta.

Nkunku zhbllokoi rezultatin në minutën e 19-të për Leipzig. Bayerni reagoi shpejt duke barazuar me Musiala dhe më pas kaloi në avantazh me Muller. Miqtë ndërkohë nuk u pajtuan me këtë rezultat teksa do të barazonin në minutën e 36-të me Justin Kluivert.

Në fillimin e fraksionit të dytë Forsberg kaloi në avantazh Leipzig, por sërish Muller u kujdes që të vendoste baraspeshën e ndeshjes. Bayerni mbetet në krye me 23 pikë, e ndjekur nga Leipzig me dy pikë më pak. /R.Lika-Koha Jone/