Mungon akordi për rinovim, Dembele drejt largimit nga Barcelona

Ousmane Dembele është gjithnjë e më pranë largimit nga skuadra e Barcelonës. Ditën e djeshme pati një takim mes agjentit të lojtarit dhe drejtuesve katalanas, por nuk ka pasur vullnet për vijimin e aventurës.

Barcelona nuk ka ndërmend që të përmirësojë propozimin ekonomik për francezin. Për 25-vjeçarin ndërkohë ka oferta të shumta nga Bayerni. Chelsea dhe PSG.

Më shumë mundësi ai do të vijojë karrierën në një tjetër klub të madh, edhe pse në fakt në ditët e fundit të sezonit të kaluar, ai shprehu dëshirën për të qëndruar në “Camp Nou”. /R.Lika-Koha Jonë/