Mungon vetëm zyrtarizimi, Messi merr vendimin për të ardhmen!

Lionel Messi ka arritur një marrëveshje me Barcelonën teksa mungon vetëm firma për një kontratë të re 2-vjeçare në “Camp Nou”. E ardhmja e argjentinasit ka qenë në dyshim, me kontratën aktuale që mbaron në fund të këtij muaji, por blaugranaët mund të marrin frymë lirisht tashmë.

Pasi tentoi të largohej nga Barça në fillim të sezonit 2020/21 për shkak të marrëdhënies që kishte me ish-presidentin Josep Maria Bartomeu, Messi duket se ka gjetur qetësinë që prej ardhjes së Joan Laporta si president.

Afrimi i Sergio Aguero, që është dhe një nga miqtë e tij të ngushtë, mund ta ndihmojë që të marrë vendimin për të vijuar te skuadra katalanase edhe për sezonin e ardhshëm.