Muriqi drejt rikthimit te Fenerbahce në Turqi, konfirmimin e jep bashkëshortja e tij

Vedat Muriqi me shumë mundësi në janar do të largohet nga Lacio. Futbollisti kosovar u transferua gjatë merkatës së verës të vitit 2020, dhe deri tani pas më shumë se një viti nuk ka arritur të lërë gjurmë në kampionatin italian.

Klubi i Fenerbahce është gati për ta rimarrë sulmuesin në huazim gjatë merkatës së janarit. Zërat duket se i vulos edhe bashkëshortja e tij teksa nuk ka nguruar të postojë një foto në “insta-story”, ku shikohej një kronikë në mediat turke që flasin për një kalim të 27-vjeçarit te Fenerbahce.

Këtë foto ajo e ka shoqëruar me një këngë turke teksa kënga titullohet “Ëndrra ime”.