Myrto Uzuni surprizon fëmijët e Bashkisë Dimal me dhurata për festat e fundvitit

Sulmuesi i Kombëtares shqiptare, Myrto Uzuni, ka shfaqur edhe këtë fundvit anën e tij më të bukur jashtë fushës, duke suprizuar fëmijët e Bashkisë Dimal.

Uzuni shpërndau dhurata për fëmijët me aftësi ndryshe dhe jetimët, duke i dhënë mundësinë të ndjejnë emocionet e festave të fundvitit dhe gëzimin e sezonit festiv.

Gjestin fisnik të lojtarit e ka zbuluar vëllai i tij, Asi Uzuni, i cili theksoi se “Madhështia e vërtetë nuk matet vetëm në fushë, por edhe në zemër. Ky është një gjest plot dashuri, mbështetje dhe shpresë për fëmijët me aftësi ndryshe dhe jetimët e Bashkisë Dimal.”

Veprimi i Uzunit ka tërhequr vëmendjen e komunitetit dhe është një shembull i madh i solidaritetit dhe humanizmit nga sportistët shqiptarë.